Leda er ei 47 år gammal veletablert yrkeskvinne. Døtrene har nettopp flytta til faren i Canada, og no ser ho fram til å dra på ferie aleine til sørkysten av Italia.

På stranda er ho kvar dag omgitt av ein støyande, napolitansk storfamilie. Leda blir meir og meir oppteken av ei ung mor og dottera hennar. Ho vekslar mellom beundring og sjalusi for bandet mellom dei to, men avskyr familieklanen som omgir dei.

Leda blir overvelda av minna om dei vanskelege og ukonvensjonelle vala som ho sjølv gjorde som ung mor, og konsekvensane dei fekk for henne og familien.