I denne boka, med undertittelen Vestens globale hegemoni i møte med kommunisme, nasjonalisme og islamisme, ser Oddbjørn Melle, professor i moderne historie, på ulike aspekt ved den kalde krigen.

Forlagsomtale: "Ulikt mange bøker om den kalde krigen opererer denne på fleire analyse- og aktørnivå i sentrum og periferi av verdssystemet. Forståingsramma er vid i tid og rom. Makrokonteksten er kapitalismens ekspansjon og konsolidering som global prosess. Eit bakgrunnsperspektiv er kald krig-epoken som sekvens i longue durée-æraen om kapitalismens utbreiing fra det nordatlantiske kjerneområdet. Det er lagt vekt på dialektikken mellom supermaktene og dei regionale kald krig-arenaene der USA med sine geoøkonomiske interesser gjorde seg sterkast gjeldande.

Interaksjonen mellom makro- og mikronivå på den internasjonale arena står sentralt, og analysen kombinerer teori, empiri og historiografi. Viktige motkrefter til det vestlege hegemoniet var kommunisme, nasjonalisme og islamisme. På eit overordna aktørnivå er rivaliseringa med Sovjetunionen gjennomgangstemaet."