Første band i Edvard Hoems store biografi om Bjørnstjerne Bjørnson!

Femten år gammal les Bjørnstjerne Bjørnson i avisa om den franske februarrevolusjonen og om opprøret mot Europas mektige som spreier seg frå land til land. Noko vakna til liv i han, ei tru på folkeopplysing og ei betre framtid for vanlege menneske, som han ber med seg resten av livet. I Villskapens år følgjer vi Bjørnstjerne Bjørnson frå han er ein ukjend og ærgjerrig ung mann, til han midt i livet flytter inn på Aulestad. Han blir førande i kampen for eit moderne og demokratisk Norge. Han gjer teatret til skodeplass for det verkelege livet, og han innvarslar den litterære realismen i Norden...