På sporet av fridom er eit pågåande fotografisk dokumentasjonsprosjekt som tek sikte på å utforske omgrepet fridom.

Ved å samanstille og dele ei globalt variert samling definisjonar av fridom vil eg oppmuntre folk til å reflektere over den fridommen dei opplever i sine eigne liv, land og nabolag. Og ikkje minst vil eg inspirere til ein meir fordomsfri og sjenerøs aksept av andre folk sine tankar og haldningar.

I slutten av 2008 og starten av 2009 brukte eg fire månader på ei turretur-reise mellom Noreg og Bangladesh. Undervegs fotograferte eg rundt hundre menneske og bad dei definere ordet/omgrepet fridom på sin måte. I januar 2013 var talet meir enn 150.