Mange observatørar – også på den politiske venstresida – ser på økonomikrisa som ein tragedie som kunne vore unngått, ein tragedie som kunne vore hindra ved hjelp av politiske inngrep. Hadde berre finansmarknadane vore betre regulerte!

Guenther Sandleben kritiserer teoriane om «finanskapitalens dominans» som årsak til krisa, og viser korleis krisa oppstod i produksjonen. Det er omvendt: Krisa i produksjonen skapte krisa i finansmarknaden. Det er ei systemkrise.

Sandleben forklarer utviklinga frå bustadlånskrise i USA til massearbeidsløyse og statsgjeldkrise i ei rekke land.  Han viser korfor krisa kan føre til statskonkursar, og skisserer dei svære skakingane som kan bli følgjene av dette. Sandleben viser kva for politiske konsekvensar det får om arbeidarrørsla byggjer på den eine eller den andre kriseteorien.